Baserri bizia

Nekasarea ekimena goraka doa, azken urtean 13 kontsumo taldetik 24ra pasatuz. Taldeak Hego Euskal Herriko gero eta zonalde gehiagotan sortzen ari dira. Kontsumitzaileen eskaera izugarria da, baina berau asetzeko ez dago momentuz behar beste baserritar eta hau suspertu behar da formakuntzaren bidez.

Egia da nekazaritzan sartzen ari diren baserritar gazteek gehienetan Nekasarea dutela abiapuntutzat, hein handi baten Bizkaiko EHNEk eskaintzen duen formakuntzari esker. Hala ere, nekazaritzan esperientziarik gabeko edo gutxiko gazteak direnean – instalakuntza berrietan hiriko gazteek gero eta presentzia gehiago dute eta etorkizunean are gehiago-, ezin dute bapatean kontsumo talde baten eskaerari era egokian erantzun; horretarako formakuntza ere behar da eta horretan ere Bizkaiko EHNE bere aportazioa egiten ari da.

Baina produkzio formakuntzarekin batera, formakuntza ideologikoa ezinbestekoa da. Gizarteko sektore ekonomiko guztietan dagoen krisialdi zorrotza nabarmena da eta nekazaritza zein abeltzaintza sektoreetan ere bai. Egoera itogarri honi aurre egiteko, Nekasarea ekimena interesgarria izan ahal da, baina arrisku bat egon ahal da: bertan parte hartzeko gogoa interes pertsonalengatik soilik etortzea, nekazaritzatik gizartea aldatzeko aportazioa dela ahaztuz. Ikuspuntu hori galerazteko jendea ere formatu behar da.
Eta baserritarrekin batera, kontsumo taldeetan helburu ideologikoa suspertu eta gainera nekazariekin batera erreibindikazio dinamiketan parte hartu beharra ikusten da.

Gehiago

Gehiago