ESNETIK-etik erlazio zuzena lortu nahi da esnekien ekoizle eta kontsumitzaileen artean, herri mailako eta konfidantzazko erlazioa, etikan oinarrituko dena eta prozesu guztiak transparentziaz gauzatuko dituena, Burujabetzaren printzipioetan oinarrituz.

Arkeologia eta Historia izeneko hitzaldi zikloaren bigarren hitzaldia izango da Durangoko Museoan. Aurten, hitzaldi-zikloak "Nekazariek eta abeltzainek osatutako lehen gizarteak. Neolitizazio-prozesua" gaia aztertuko du.

Hitzaldia, euskaraz, EHUko irakasle den Lydia Zapata Peña andreak emango du, honako hau izenburuarekin: "Nekazaritzaren sorrera Euskal Herrian".

Laburpena: Euskal Herriko nekazaritzaren hastapenak laburbilduko dira hitzaldi honetan mendebaldeko Europako testuinguruan. Orain dela gutxi arte gai honi buruzko datuak oso mugatuak izan dira. Azken bi hamarkadetan ikerketa arkeologikoari esker informazio berria daukagu. Honen arabera Euskal Herriko kostaldean zereal nekazaritza K.a. 5. milurtekotik gutxienez existitu zen. Neolito Aroan garagarra eta gari mota desberdinak dira aurkitutako zerealak. Brontze Aroan artatxikiak ere ereiten ziren eta Burdin Aroan espelta garia. Beraz, konplexua eta anitza den nekazaritza garatu da Euskal Herrian historiaurretik. Laborantza hauen kronologia eta erabilpenak laburtuko ditugu, gizartearengan eta landare paisaiarengan izan zuten eragina kontuan izanik.

ORDUA: osteguna, maiatzak 17, 19.00etan.

LEKUA: Durangoko Museoa.

Iturria

Lotura